संसद् भवनमा खटिएका एकैसाथ ३२ सुरक्षाकर्मीहरूलाई जिम्मेवारीबाट हटाइयो
काठमाडाैं, फागुन १४ ।
नयाँ बानेश्वरस्थित संसद् भवनको सुरक्षार्थ खटिएका प्रहरी निरीक्षकसहितको टोलीलाई प्रहरी प्रधान कार्यालयले एकैसाथ जिम्मेवारीबाट हटाइएको छ ।
लघुवित्तका ऋणीहरूको टोली संसद् भवन परिसरभित्र प्रवेश गरेपछि गृह मन्त्रालयको नेतृत्वमा संसद् भवन परिसरमा खटिएका सुरक्षा टोलीलाई हटाइएको हो ।
स्रोतकाअनुसार यसरी जिम्मेवारीबाट खोसिनेमा इन्स्पेक्टरसहित ३२ जना रहेका छन् । उनीहरूको ठाउँमा नयाँ टोलीसमेत पठाइसकिएको स्रोतले बतायो ।
आज सोमबार दिउँसो भएको घटनाबारे छानबिन गर्न एसएसपी दिनेशराज मैनालीको नेतृत्वमा ३ सदस्यीय छानबिन समिति बनाइसकेको छ ।
निषेधित क्षेत्र पार गरेर संसद् भवनभित्र छिरेको आरोपमा प्रहरीले ४९ जना लघुवित्त पीडितलाई नियन्त्रणमा लिएको छ । यसपछि सभामुख देवराज घिमिरेले पनि प्रहरी प्रमुख बसन्त कुँवरलाई फोन गरेर चासो व्यक्त गरेका थिए ।
प्रतिक्रिया