कामपाको धुम्बाराहीमा एकापसमा सवारी ठोक्किँदा २८ वर्षीय युवकको मृत्यु
काठमाडाैं, बैशाख १८ ।
काठमाडौंको धुम्बाराहीमा मोटरसाइकल र स्कुटर एकापसमा ठोक्किँदा एक युवकको मृत्यु भएको छ ।
प्रहरीकाअनुसार काठमाडौं महानगरपालिका-४, धुम्बाराही चोकमा सोमबार राति बा. प्र ०२-०३१ प ५०२२ नम्बरको मोटरसाइकल र बा. ७५ प १६५२ नम्बरको स्कुटर एकापसमा ठोक्किएका हुन् ।
दुर्घटनामा स्कुटर चालक काठमाडौं बुढानीलकण्ठ नगरपालिका-१२ कपन बस्ने २८ वर्षीय अन्नत कार्कीको मृत्यु भएको हो । दुर्घटनामा गम्भीर घाइते भएका उनको उपचारका क्रममा चाबहिलस्थित ओम अस्पतालमा मृत्यु भएको प्रहरीले जनाएको छ ।
घाइते भएका मोटरसाइकल चालकको भने ह्याम्स अस्पतालमा उपचार जारी रहेको छ ।
प्रतिक्रिया