नक्कली ड्राइभिङ लाइसेन्स बनाएकाे अभियाेगमा सरकारी कर्मचारी पक्राउ
काठमाडाैं, बैशाख १८ ।
नक्कली सवारी चालक अनुमति पत्र अर्थात् ड्राइभिङ लाइसेन्स बनाएको अभियाेगमा प्रहरीले एक जनालाई पक्राउ गरेको छ । पक्राउ पर्नेमा यातायात कार्यालय बुटवलमा कार्यरत रहेका शाखा अधिकृत नारायण पाण्डे रहेका छन् ।
केन्द्रीय अनुसन्धान ब्यूरो (सीआईबी) ले जिल्ला प्रहरी कार्यालय बुटवलको सहयोगमा सोमबार आरोपित पाण्डेलाई नियन्त्रणमा लिइएको हो ।
ती कर्मचारी ट्राफिक प्रहरीको कारबाहीबाट यातायात कार्यालयमा ल्याइएका लाइसेन्सको नम्बर राखेर अर्को नक्कली लाइसेन्स बनाउँदै बिक्री गर्ने गरेको खुलेको सीआईबीका प्रवक्ता प्रहरी उपरीक्षक होबिन्द्र बोगटीले बताएका छन् ।
उनीविरुद्ध सरकारी लिखत किर्तेको कसुरमा आज मंगलबार जिल्ला अदालत काठमाडाैंबाट पाँच दिनको म्याद थप गरी सीआआबीले अनुसन्धान अगाडि बढाइएको छ ।
प्रतिक्रिया