गाई काटेको अभियोगमा काभ्रेबाट तीन पक्राउ
काठमाडाैं, बैशाख १८ ।
गाई काटेर बोरामा मासु बोकेर हिँड्दै गरेको आराेपमा काभ्रेबाट प्रहरीले तीन जनालाई पक्राउ गरेको छ ।
सोमबार साँझ धुलिखेल नगरपालिका-१२ ठूलीचौर जंगलबाट उनीहरूलाई पक्राउ गरिएको जिल्ला प्रहरी कार्यालय काभ्रेले जनाएको छ ।
पक्राउ पर्नेमा काभ्रेको नमोबुद्ध नगरपालिका-११ जिमिरेका ५६ वर्षीय इन्द्र बहादुर तामाङ, काभ्रेकै चिल्ले घर भएकी ३५ वर्षीया शान्ता लामा र झापा घर भई काभ्रेको डाँडा कटेरी माइत भएकी २६ वर्षीया ठूली तामाङ छन् ।
ठूलीचौर जंगलमा गाई काटेर बोरामा मासु लिएर नमोबुद्ध-११ तर्फ आउँदै गरेको अवस्थामा उनीहरूलाई पक्राउ गरिएको प्रहरीले जनाएको छ । घटनास्थलबाट गाईको छाला र खुट्टाहरू पनि बरामद भएको प्रहरीको भनाई छ । नेपालको संविधानले गौहत्यालाई निषेध गरेको छ ।
प्रतिक्रिया