काठमाडाैं, जेठ ४ ।
बैवाहिक बलात्कारको आरोपमा पक्राउ परेका गायक रवि ओड रिहा भएका छन् । उनले ५ लाख रुपैयाँ धरौटी बुझाएर बिहीबार साँझ रिहा भएका हुन् ।

जिल्ला अदालत कञ्चनपुरले बिहीबार उनलाई ५ लाख रुपैयाँ धरौटीमा रिहा गर्न आदेश दिएको थियो । अदालतको आदेशानुसार ५ लाख रुपैयाँ धरौटी बुझाएर उनी बिहीबार साँझै रिहा भएको जिल्ला प्रहरी कार्यालय कञ्चनपुरका प्रवक्ता प्रहरी नायब उपरीक्षक उमेश जोशीले जानकारी दिएका छन् ।

कञ्चनपुरको कृष्णपुर नगरपालिकाका ओडले गत साता ईलाका प्रहरी कार्यालय झलारीमा आफैँ उपस्थित भएर आत्मसमर्पण गरेका थिए । ओडविरुद्ध बैवाहिक बलात्कार र अप्राकृतिक मैथुनको आरोप लगाउँदै उनका श्रीमतीले प्रहरीमा उजुरी दिएका थिए ।