काठमाडाैं, जेठ ४ ।
वर्षा, अन्न र सहकालकाे देवताकाे रूपमा प्रसिद्ध ललितपुर महानगरपालिकामा अहिले चलिरहेकाे रातो मच्छिन्द्रनाथ (बुंगद्यः)को रथ मर्मत गर्ने कार्य सम्पन्न भएकाे छ । आज शुक्रबार दिनभर क्रेनकाे सहायताले ढल्केकाे रथलाई सिधा पार्ने काम सम्पन्न भइसकेकाे छ भने याेसँगै चक्काकाे माथि हुने मलाखेलगायत सबै मर्मत कार्य सम्पन्न गरिएकाे हाे ।

रथ यात्राको पहिलो दिन रथलाई पुल्चोकबाट तान्ने क्रममा नःटोलमा रहेकाे बिजुलीको पोलमा ठोकेसँगै रथमा केही समस्या देखिन थालेकाे थियाे । ललितपुर महानगरपालिका, गुठी संस्थान, बाराही, ञवाःलगायतका रथ जात्राका गुथियारहरूले रथको निरीक्षण गरी साे पुनःनिर्माण कार्य सम्मन्न गरिएकाे हाे ।

रथको पूर्ण रूपमा मर्मत सम्भार सम्पन्नपश्चात् रथलाई पुनः भाेलि शनिबार नै थपाहितिबाट लगनखेल पुर्‍याउने छ । यदि बीचमा केही समस्या नभएकाे खण्डमा रथ भाेलि नै लगनखेल पुग्नेछ ।

मच्छिन्द्रनाथको रथ यात्रा बैशाख शुक्ल प्रतिपदामा सुरु भएर आषाढ शुक्ल चतुर्थी (दुई महिना)सम्म चल्नेछ । रातो मच्छिन्द्रनाथ जात्रालाई पाटनको सबैभन्दा महत्वपूर्ण तथा उपत्यकाकै सबैभन्दा लामो जात्राका रूपमासमेत लिइन्छ ।

हिन्दू धर्मावलम्बीले मच्छिन्द्रनाथलाई ऐतिहासिक करुणामयका रूपमा पुज्ने गर्छन् भने बौद्ध धर्मावलम्बीहरूले ‘पद्मपाणि’ अर्थात् पञ्चबुद्धमध्येका चौथो बुद्धका रूपमा पूजा गर्छन् । मच्छिन्द्रनाथको रथ यात्राको अन्तिम दिन जावलाखेल पुगेकाे चाैथाे दिनमा भोटो देखाउने जात्रापश्चात् जात्रा सम्पन्न हुनेछ ।