काठमाडाैं, श्रावण ३१ ।
सरकारले पेट्रोलियम पदार्थको मूल्य घटाएको छ ।

आज बिहीबार साँझ बसेको आयल निगम सञ्चालक समितिको बैठकले पेट्रोल, डिजेल र मट्टितेलको मूल्य घटाएको हो । आयल निगमले पेट्रोलमा प्रतिलिटर ५ र डिजेल तथा मट्टितेलमा प्रतिलिटर ३ रुपैयाँ घटाएको हो ।

योसँगै काठमाडौंमा पेट्रोलको मूल्य १६५ रुपैयाँ र डिजेल तथा मट्टितेलको मूल्य १५५ रुपैयाँ पर्ने भएको छ । घटेको मूल्य बिहीबार राति १२ बजेदेखि लागु हुनेछ ।