काठमाडाैं, श्रावण ३२ ।
वागमती प्रदेश सरकारले गाईजात्राको अवसरमा सार्वजनिक बिदा दिने निर्णय गरेको छ । आज शुक्रबार बसेको वागमतीको मन्त्रिपरिषद् बैठकले भाद्र ४ गते मंगलबार मनाइने गाईजात्रा पर्वको अवसरमा प्रदेशभर सार्वजनिक बिदा दिने निर्णय गरेको हो ।

प्रदेशका आन्तरिक मामिला तथा कानून मन्त्री सुरजचन्द्र लामिछानेकाअनुसार गाईजात्रा प्रदेशमा मनाइने महत्त्वपूर्ण पर्व रहेकाले प्रदेश सरकारी कामकाजी भाषा ऐन २०८० अनुसार सार्वजनिक बिदा दिने निर्णय गरेको हो । ऐनअनुसार गाईजात्रा पर्वमा हरेक वर्ष बिदा दिने व्यवस्था रहेको उनले बताए ।

उक्त निर्णयसँगै वागमती प्रदेशमा भाद्र ४ गते गाईजात्राको दिन सार्वजनिक संस्थान, विद्यालय, निजी संघसंसथाहरू सबै बन्द रहने भएका छन् ।