काठमाडाैं, भाद्र ४ ।
काठमाडौं उपत्यका आज मंगलबार गाईजात्रा पर्व धूमधामसँग मनाइएको छ । नेवार समुदायका मानिसले एक वर्षभरी दिवंगत भएका आफन्तको सम्झनामा हरेक वर्ष भाद्र कृष्ण प्रतिपदाका दिन यो जात्रा मनाउने गरेका छन् ।

एक वर्षभित्र दिवंगत भएका आफन्तको सम्झनामा यस दिन दिन गाई वा मानिसलाई गाईका रूपमा सिँगारी आ-आफ्नो क्षेत्रमा परिक्रमा गराउने चलन रही आएकाे छ । यसरी नगर परिक्रमा गर्नाले वर्षभरी मृत्यु भएका व्यक्तिहरू गाईको पुच्छर समाई वैतरणी पार हुन्छन् भन्ने धार्मिक विश्वाससमेत रही आएकाे छ ।

गाईजात्रा पर्व मनाउन सरकारले आज काठमाडौं उपत्यकामा सार्वजनिक बिदासमेत दिएको छ ।