एजेन्सी, श्रावण २२ ।
बंगलादेशकी प्रधानमन्त्री शेख हसिनाले पदबाट राजीनामा दिएर देश छाडेर गए तापनि बंगलादेशमा हिंसात्मक घटनाक्रमहरू भने अझै पनि जारी नै रहेको छ ।

आन्दोलनका क्रममा पछिल्लो समय हिन्दू मन्दिर र मूर्तिहरूमाथि आक्रमण गर्ने क्रम तीब्र रूपमा भइरहेकाे छ ।

बंगलादेशी सञ्चारमाध्यमहरूकाअनुसार बंगलादेशको मेहेरपुरस्थित इस्कान मन्दिरमा तोडफोड भएको छ भने मन्दिरका मूर्तिहरूमा आगो लगाइएको दृश्य तथा तस्वीरहरू पनि सार्वजनिक भएका छन् ।

बंगलादेशी मिडियाकाअनुसार त्यहाँ धेरै हिन्दू मन्दिरहरूलाई निशाना बनाइएको उल्लेख छ ।