काठमाडाैं, भाद्र २ ।
काठमाडौं महानगरपालिका-६ कपन सरस्वतीनगर बस्ने उदयपुर ताप्ली गाउँपालिका-१ घर भएका ५० वर्षीय उद्दवराज हमालको कोठामा जुवातास खेलिरहेको अवस्थामा सिन्धुपाल्चोक मेलम्ची नगरपालिका-१२ घर भएका ४१ वर्षीय बद्री पौडेलसहित प्रहरीले ९ जनालाई शनिबार साँझ पक्राउ गरेको छ ।

प्रहरी प्रभाग कपनबाट खटिएको प्रहरी टाेलीले उनीहरूलाई नगद ३९ हजार ७ सय २५ रुपैयाँ र ३ बुक ताससहित पक्राउ गरेको हो ।

उनीहरूलाई निगरानी राखी थप अनुसन्धान भइरहेकाे प्रहरीले जनाएकाे छ ।

चाडबाड नजिकिएसँगै अहिले जुवातास खेल्ने क्रम विस्तारै बढ्दै गइरहेकाे र यसलाई निर्मूल पार्न प्रहरीले हरसम्भव जारी राख्ने प्रहरीकाे भनाई रहेकाे छ ।