काठमाडाैं, भाद्र ५ ।
नेपाल संगीत उद्योग संघबाट प्रहरीले कागजात बरामद गरेको छ । काठमाडाैं महानगरपालिकाकाे अनामगरस्थित संघको कार्यालयबाट अनुसन्धानका लागि भनी कागजात संकलन गरिएको मानव बेचबिखन ब्यूरोका एसएसपी ओम रानाले बताएका छन् । रानाले भने, ‘त्यहाँका कर्मचारीकै रोहबरमा अनुसन्धानका लागि कागजात लिन टोली गएको छ ।’

ब्यूरोले कार्यसमिति बैठकका निर्णय, लेटर प्याड र कम्प्यूटरसमेत बरामद गरेको छ । नेपाल संगीत उद्योग संघका पदाधिकारीले फर्जी कागजात बनाएर मानिसलाई विदेश पठाउने गरेको गाेप्य सूचनाको आधारमा ब्यूरोले त्यसबारे अनुसन्धान सुरु गरेको छ ।