काठमाडाैं, भाद्र ६ ।
नेवार समुदायले श्रावण शुक्ल प्रतिपदादेखि एक महिनासम्म गुँला पर्व मनाउने गरिन्छ । नेपालभाषामा ‘गुँ’ को अर्थ नाै र ‘ला’ को अर्थ महिना बुझिन्छ । नेपाल सम्बतअनुसार दशाैँ महिना गुँला भरी विभिन्न बौद्ध धार्मिक परम्पराहरू सञ्चालन हुने गर्दछ ।

पर्वको अवसरमा राँगाको सिङबाट बनाइएको ‘न्यकू’ बाजाका साथै दाफा, धाः, बाँसुरी, धिमेलगायत नौ बाजा बजाउने प्रचलन रही आएकाे छ । जसअनुसार आज बिहीबार ललितपुरको बुंगमतीमा पनि न्यकू बाजा बजाएर बुद्ध भगवानको भजन र्कीतन गाएर रातो मत्स्येन्द्रनाथको मन्दिर हृगृव भैरवलगायत विभिन्न मठमन्दिर र बौद्ध चैत्यको परिक्रममा गरिएको छ ।

पर्वमा विशेष गरी स्वयम्भू महाचैत्य, बौद्ध चैत्यलगायत उपत्यकाका विभिन्न चैत्यस्थलको दैनिक परिक्रमा गरिन्छ । यो पर्व अवधिभर माछा-मासु, जाँडरक्सी, गंगेटा, गुन्द्रुक खान नहुने मान्यतासमेत रहेकाे छ । यो पर्व विशेष गरी बौद्ध धर्मावलम्बीले मनाउने गर्छन् ।
फाेटाे : निर्मलरत्न शाक्य ।