चितवन, असोज ४ ।
हाँस्य कलाकार तथा समाजसेवी सीताराम कट्टेल ‘धुर्मुस’ ले फेरि अर्को बस्ती निर्माणको थालनी गरेका छन् । उनले रौतहटको सन्तपुरमा एकीकृत वस्ती निर्माण लागेका हुन ।

आज बिहान सन्तपुरमा एक कार्यक्रमको आयोजना गरि सिताराम र उनकी श्रीमती कुञ्जना घिमिरेले बस्ती निर्माणको थालनी गरेका छन् ।

५ करोड ७५ लाख लागतमा निर्माण हुने उक्त बस्ती माझी, मुसहर, हजाम र देशार समुदायका लागि बनाउन लागेको धुर्मुसले बताए । उनले आउँदो माघसम्म बस्ती निर्माण सकाउने योजना सहित बस्ती सुरु गरेको बताए ।

भूकम्पपछि सामाजिक काममा सक्रिय सिताराम र कुञ्जनाले यस अघि पनि केही बस्ती निर्माण गरेर सम्बन्धीत समुदायलाई हस्तान्तरण गरिसकेका छन् ।