काठमाडौं, असोज १५ ।
नेपाली चलचित्र ‘फाटेको जुत्ता’ ले यूट्यूबमा तहल्का मचाएको छ । यो चलचित्रको ट्रेलर यूट्यूबमा ६ दिनमै चार लाख बढी भ्यूज भएको छ ।

ट्रेन्डिङको नेपाल संस्करणमा पहिलो नम्बरमा आउन सफल फाटेको जुत्तामा सौगात मल्ल र प्रियंका कार्की लगायतको अभिनय रहेको छ ।

अर्जुन कुमारको निर्माणमा बनेको ‘फाटेको जुत्ता’लाई निकेश खड्काले निर्देशन गरेका छन् ।

कार्तिक १७ गते नेपाली हलहरुमा प्रदर्शनमा आउने उक्त चलचित्रको ट्रेलर कमेडी छ । चलचित्रले राम्रो व्यापार गर्ने निर्माण पक्षको दाबी छ ।