काठमाडौं, फागुन २२ ।
यामाहाले भोलि ७ मार्चलाई ‘स्कुटर डे’ अर्थात स्कुटर दिवसको रूपमा मनाउने भएको छ । मानिसलाई स्वतन्त्र, आत्मविश्वासी र सशक्त बनाउन स्कुटरले पुर्‍याएको योगदानको कदर गर्दै यामाहाले ‘स्कुटर डे’ मनाउन लागेको हो ।

‘स्कुटरले हामीलाई आरामदायी यात्रा मात्र होइन, आत्मविश्वास पनि दिलाउँछ । त्यसैले, सबैलाई मनपर्ने साधन स्कुटरको समपर्णमा हामीले स्कुटर डे मनाउने निर्णय गरेका हौँ,’ एमएडब्लु इन्टरप्राइजेज यामाहा डिभिजनका मार्केटिङ हेड प्रदिप पोखरेलले भने । ‘स्कुटर डे’ यामाहाले गत साता सुरु गरेको ‘एसस्कुटर’ अभियानकै एउटा हिस्सा हो ।

यसैबीच, स्कुटर डेका अवसरमा देशभरी विभिन्न कार्यक्रमको आयोजनासमेत गर्ने भएको छ, जसमध्ये निःशुल्क स्कुटर वास एउटा पनि रहेको कम्पनीद्वारा जारी विज्ञप्तिमा उल्लेख गरिएको छ । स्कुटर डेमा राइडरहरूले यामाहाको कुनै पनि सर्भिस सेन्टरबाट जुनसुकै ब्राण्डको स्कुटर पनि निःशुल्क वास गर्न सक्ने जनाएको ।

‘हामीलाई आशा छ राइडरहरूले अभूतपूर्व अनुभव गर्नुहुनेछ । यामाहाको सर्भिस सेन्टरमा सबै ब्राण्डको स्कुटरको वास, त्यो पनि निःशुल्क,’ यामाहाका सर्भिस हेड शरद मिश्रले बताए । उनले सबै स्कुटर राइडरहरूलाई स्कुटरको हेरचाह, मर्मत, सर्भिसिङ गरेर र स्कुटरसँगको ‘बेस्ट मोमेन्ट’ शेयर गरेर ‘स्कुटर डे’ मनाउन अपिल समेत गरेका छन् ।

त्यसैगरी, कम्पनीले ‘स्कुटर डे’कै दिन पारेर आफ्नो सामाजिक उत्तरदायित्वअन्तर्गत एमएडब्लुले नेपाल ट्राफिक प्रहरीलाई दुई वटा यामाहा स्कुटर हस्तान्तरण गर्ने भएको छ । ‘हाम्रो यो सानो प्रयासले काठमाडौंको ट्राफिक व्यवस्थापनमा थोरै मात्रामा भए पनि सहयोग पुग्ने अपेक्षा हामीले गरेका छौँ,’ पोखरेलले भने । त्यस्तै, अन्तर्राष्ट्रिय महिला दिवसको अवसरमा यामाहाले नेपालकै अग्रणी सम्भवतः नेपालकै पहिलो स्कुटर चालक कमला श्रेष्ठलाई सम्मान गरेर स्कुटर हस्तान्तरण गर्ने कार्यक्रमसमेत तय गरेको छ ।

‘स्कुटर डे’मा यामाहाले काठमाडौंका पाँच स्थान (बानेश्वर, त्रिपुरेश्वर, चाबहिल, कुमारीपाटी र जडिबुटी) र यामाहा नेपाल तथा एसस्कुटर अभियानको फेसबुक पेजबाट पनि सडक सुरक्षासम्बन्धी सचेतना फैलाउने कार्यक्रमको आयोजना गर्ने तयारी गरेको छ ।

भर्खरै नेपाली बजारमा उपलब्ध स्कुटरबारे गरिएको एउटा स्वतन्त्र अध्ययनमा यामाहाका स्कुटरलाई ‘स्टाइल’ र ‘कम्फोर्ट’का लागि सबैभन्दा बढी रुचाइने गरेको कम्पनीले जनाएको छ । ‘राइडिङमा स्टाइल र कम्फोर्ट महत्वपूर्ण कुरा हुन् र राइडरले यसैका लागि यामाहाका स्कुटरलाई मन पराउनु हाम्रो लागि ठूलो उपलब्धी हो,’ यामाहाका चिफ म्यानेजर प्रकाश देवकोटाले भने, ‘राइडरहरूको यो विश्वासलाई कायम गर्न हामी कुनै कसर बाँकी राख्ने छैनौँ ।’