काठमाडाैं, श्रावण ३ ।
बलिउड सुपरस्टार कलाकार अमिताभ बच्चन र अभिषेक बच्चनपछि अब नायिका ऐश्वर्या राय र छाेरी आराध्या बच्चन पनि अस्पताल भर्ना भएका छन् ।

उनीहरूलाई नानावती अस्पतालमा भर्ना गर्न लगिएको हो । श्वास–प्रश्वासमा समस्या देखिएपछि आमा र छोरी दुबैलाई अस्पताल भर्ना गर्न लगिएको हो ।

अमिताभ र अभिषेक कोरोना भाइरस पोजेटिभ देखिएपछि अस्पताल भर्ना भएका थिए । कोरोना भाइरसको संक्रमण देखिए पनि ऐश्वर्या र आराध्या भने होम आइसोलेसनमा नै बस्दै आएकी थिइन् ।

उपचारमा रहेका अमिताभ बच्चन भने लगातार सामाजिक सञ्जालमा सक्रिय रहेका छन् ।