काठमाडाैं, असाेज २१ ।
प्रधानमन्त्री शेरबहादुर देउवाले नेपालीहरूको महान् चाड विजया दशमीको उपलक्ष्यमा हार्दिक मंगलमय शुभकामना व्यक्त गरेका छन् ।

आजदेखि विजया दशमी पर्व सुरु भएको उल्लेख गर्दै उनले सामाजिक सञ्जालमार्फत् शुभकामना व्यक्त गरेका हुन् ।

साथै, प्रधानमन्त्री देउवाले कोरोनाको जोखिम अझै पनि कायमै रहेकाले स्वास्थ्य मापदण्डको विशेष पालना गरेर पर्व मनाउन पनि सबैमा अनुरोध गरेका छन् ।

‘नेपालीहरूको महान् पर्व विजया दशमी आजदेखि सुरु भएको छ । स्वदेश तथा विदेशमा रहनुभएका सम्पूर्ण दिदीबहिनी तथा दाजुभाईहरूमा सुख, शान्ति र सु–स्वास्थ्यको शुभकामना व्यक्त गर्दछु,’ उनले ट्वीटमा लेखेका छन्,’ साथै, कोरोनाको जोखिम कायमै रहेकाले स्वास्थ्य मापदण्डको पालना गरेर पर्व मनाउन पनि सबैमा अनुरोध गर्दछु ।’