काठमाडाैं, कार्तिक २६ ।
कैलालीको धनगढीमा एक पुरुषकाे बेवारिसे अवस्थामा शव फेला परेको छ ।

आज सोमबार बिहान धनगढी उपमहानगरपालिका-११ घोडसुवास्थित ठेकराज माध्यमिक विद्यालयको शौचालयनजिक अन्दाजी ५५ वर्षीय पहिचान नखुलेको पुरुषको शव फेला परेको हो । मृतकको शव सेती प्रादेशिक अस्पतालमा राखिएको छ ।

जिल्ला प्रहरी कार्यालय कैलालीकाअनुसार वर्ण गहुगोरो, उचाई ५ फिट ५ इञ्च, माथिल्लो शरीरमा सेतो धर्के आस्कोट, भित्र सर्ट, तल्लो शरीरमा हाफ पाइन्ट, दाह्री फुलेको पुरुषको शव फेला परेको हो । घटनास्थलनजिकै ढाका टोपी, घगारुको लाठी, च्यादर फेला परेको हुँदा लाठी टेक्ने टोपी लगाउने पुरुष हुन सक्ने प्रहरीको प्रारम्भिक अनुमान रहेकाे छ ।