काठमाडाैं, कार्तिक २६ ।
धादिङको बेनीघाट रोराङ गाउँपालिका-३ डार्केफाटमा बोलेरो गाडीको ठक्करबाट एक युवतीको मृत्यु भएको छ ।

मृत्यु हुनेमा बेनीघाट-२ की १९ वर्षीया अनिशा मिजार रहेको जिल्ला प्रहरी कार्यालय धादिङले जानकारी दिएको छ ।

प्रहरीकाअनुसार ताल्तिबाट मलेखु जाँदै गरेको बा. २० च १९९९ नम्बरको बोलेरोले अनिशालाई ठक्कर दिँदा उनको घटनास्थलमै मृत्यु भएको थियो । उक्त बोलेरो गाडीको ठक्करबाट २६ वर्षीया प्रशंसा मिजार पनि घाइते भएकी छन् ।

बोलेरो गाडीसहित चालकलाई प्रहरीले नियन्त्रणमा लिएको छ ।