काठमाडौं, असार ४ ।
बलिउड अभिनेत्री श्रद्धा कपुर र अभिनेता तथा निर्देशक फरहान अख्तरबीचको प्रेम सम्बन्धको बारेमा बेला–बेलामा चर्चाको विषय हुन जान्छ । यिनीहरूको सम्बन्धको बारेमा धेरै चर्चा हुने गरेको छ ।

फरहान अख्तरले केही समय अगाडि मात्र पत्नी अधुनासँग डिर्भोस लिएका उनले अधुनासँग डिर्भोस गर्नुको मुख्य कारण श्रद्धा कपुर रहेको पनि भारतीय सञ्चारमाध्यमले जनाएको छ ।

फरहानले आफ्नो पत्नी अधुुनासँग डिर्भोस गरेलगत्तै मिडियाले श्रद्धा र फरहान लिभ इन रिलेशनमा बस्दै आएको खबर सार्वजनिक गरेका थिए । तर श्रद्धाका बुबा शक्ति कपुरले सबै खबरलाई खण्डन गरेका थिए ।

शक्ति कपुरले खण्डन गरेपश्चात श्रद्धा र फरहानलाई कुनै पनि सार्वजनिक कार्यक्रममा सँगै देखिएका छैनन् । दुबै जनालाई सँगै नदेखेका कारण ब्रेकअप भयो की भन्ने अनुमान भारतीय सञ्चारमाध्यमहरूले लगाएका थिए । तर, अब सबै प्रष्ट रूपमा अगाडि आएका छन् । जुन कुरा सबैलाई थाहा भइसकेको छ, उनीहरूबीच अझै पनि मायाको सम्बन्ध कायम नै रहेको कुरा ।

श्रद्धा कपुरले आफ्नो फिल्म ‘हसिना’का टीजर ट्वीट गरेका थिए । त्यसमा फरहानले सबैभन्दा पहिला श्रद्धालाई ट्वीट गरेर बधाई दिए । फिल्मलाई लिएर एक्साइटेड भएकी श्रद्धाले फरहानलाई तुरुन्त लव इमोजी ट्वीट गरेका थिए । उक्त ट्वीटपश्चात यी दुई बीचको सम्बन्ध कसरी अगाडि बढेको छ भन्ने कुरासमेत स्पष्ट भएको छ ।
यति मात्र होइन फरहानले केही समय अगाडि आफ्नो इन्स्ट्राग्राम एकाउण्टमा एक सायरी पनि लेखेका थिए । त्यति बेला यूजर्सले उक्त सायरी फरहानले श्रद्धालाई लेखेको अनुमान पनि लगाएका थिए ।