काठमाडौं, चैत २२ ।
नेपाल राष्ट्र बैंकबाट ‘ख’ वर्गको इजाजत पत्र प्राप्त राष्ट्रियस्तरको विकास बैंक गरिमा विकास बैंक लिमिटेडको डेबिट/क्रेडिट कार्ड प्रयोग गरी दराजबाट सामान खरिद गर्दा १५% सम्म छुट प्रदान गर्ने गरी गरिमा विकास बैंक लिमिटेड र दराज (Daraz) बीच सम्झौता सम्पन्न भएको छ ।

नजिकिँदै गरेको वि.सं. नयाँ वर्ष २०८२ साललाई मध्यनजर गरी विकास बैंकले यो छुट योजना सार्वजनिक गरेको हो । यस छुट योजनाअन्तर्गत विकास बैंकका क्रेडिट कार्ड होल्डर ग्राहकहरूले दराजको बेवसाइट वा मोबाइल एपमार्फत् कुनै पनि सामान खरिद गर्दा १५% वा अधिकतम रु. ७५०/- सम्म र डेबिट कार्ड होल्डर ग्राहकहरूले १०% वा अधिकतम रु. ५००/- सम्म छुट प्राप्त गर्नेछन् ।

यो छुट योजना २०८१ चैत २२ गतेदेखि सुरु भई २०८१ चैत ३१ गतेसम्म लागू हुनेछ । गरिमा विकास बैंकका कार्ड होल्डर ग्राहकहरूले यस योजना सुरु भएपश्चात् दराजको बेवसाइट वा मोबाइल एपमा उपलब्ध हुने यस विकास बैंकको नामको भौचर संकलन गरी छुट प्राप्त गर्न सक्नेछन् ।

हाल, गरिमा विकास बैंकले देशभर १ सय २३ वटा शाखा कार्यालय, १ वटा एक्स्टेन्सन काउण्टर कार्यालय र ५० वटा एटीएम मेसिनमार्फत् सरल, सुरक्षित एवं गुणस्तरीय सेवा प्रवाह गर्दै आइरहेको बैंकले एक प्रेस विज्ञप्ति जारी गरी जनाएको छ ।