काठमाडौं, असार ५ ।
अभिनेत्री निशा अधिकारी र क्रिकेटर शरद भेषवाकरबीचको प्रेम सम्बन्ध केही समयअघि चिसिएको खबर सञ्चारमाध्यमले सार्वजनिक गरेको थियो ।

जब निशाले आफ्नो फेसबुक पोस्ट डिलिट गरे तब उनीहरूबीचको ब्रेकअप गसिपको विषय बनेको थियो ।

पुनः नेपाली सञ्चारमाध्यममा निशा र शरदको बिहेको खबरले तहल्का मच्चाइरहेको छ । यही आउँदो असार १८ गते उनीहरू बिवाह बन्धनमा बाँधिन लागेको खबर सार्वजनिक भइरहेको छ ।

बिवाहको खबर सार्वजनिक हुँदा पनि निशाले यस विषयमा केही टिप्पणी दिएकी छैनन् । दुबै जनाको पारिवारिक सहमतिमा हिन्दू परम्पराअनुसार विवाह हुन लागेको जनाइएको छ ।