काठमाडौं, असार १८ ।
बरिष्ठ हाँस्य कलाकार हरिबंश आचार्यका कान्छो छोरा मोहितको शनिबार विवाह भएको छ । मोहितले धुलिखेलको मिरावल रिसोर्टमा विवाह समारोह आयोजना गरिएको थियो । मोहितले नेपाली परम्परागत शैलीमा संचार उद्यमी भोला थापाकी छोरी बिन्दु थापासँग विवाह गरेको हो ।

मोहित र बिन्दुले केही समय देखि चल्दै आएका प्रेमलाई विवाहमा परिणत गरेका हुन् । मोहितको बिहेमा बरिष्ठ हाँस्य कलाकार मदनकृष्ण श्रेष्ठ लगायत चलचित्र क्षेत्रका नाम चलेका सेलिब्रेटीको बाक्लै उपस्थिती रहेको थियो ।

त्यस्तै अर्का हाँस्य कलाकार दिपकराज गिरीका जेठा छोरा दिपेश गिरीले पनि शनिबार विवाह गरेका छन् । दिपेशले कीर्तिपुर निवासी मिरा ज्ञवालीसँग शनिवार दरबार ब्यङ्क्वेटमा विवाह गरेका हुन् । दिपेशको विवाह समारोेहमा अभिनेत्री निर्देशक दीपाश्री निरौला, अभिनेत्री स्वस्तिमा खड्का, जीतु नेपाल, केदार घिमिरे लगायतको सहभागीता रहेको थियो ।