काठमाडौं, फागुन १२ ।
गएराति भएको च्याम्पियन्स लिग खेलअन्तर्गत अन्तिम १६ को पहिलो लिगमा युभेन्ट्सद्वारा पोर्तो २ विरुद्ध शून्य गोलले पराजित भएको छ ।

खेलको २७ औँ मिनेटमा पोर्टोका एलेन्स टेलेस दोहोरो पहेँलो कार्ड खाँदै मैदानबाट बाहिरिएपछि पोर्टो १० खेलाडीमा सीमित भएपछि थप संकट बढेको थियो । १० खेलाडीमा सीमित हुन पुगेको पोर्तोमाथी युभेन्ट्सले थप दबाबमा राख्नुको साथै ७२ औँ मिनेटमा कुवाडार्डोको स्थानमा मैदानमा प्रवेश गरेका मार्को पाजाकाले पहिलो गोल गर्दै अग्रता लिएका थिए ।

त्यसको दुई मिनेटपछि अतिरिक्त खेलाडीको रूपमा मैदान प्रवेश गरेका डानी अल्भासले गोल गर्दै युभेन्ट्सको अग्रता दोब्बर बनाए । अल्भासले मैदान छिरेको एक मिनेट र पाकाजाले मैदान छिरेको पाँच मिनेटमै गोल गरेका हुन् । दुबै टोलीविरुद्ध दोश्रो लिगको खेल आउँदो मार्च १४ मा हुने भएको छ ।