काठमाडौं, फागुन १२ ।
बेलायतमा रहेका नेपाली मूलका विभेष गुरुङ्गले इङ्गलिस प्रिमियर लिग क्लब क्रिष्टल प्यालेसबाट खेल्ने भएका छन् ।

केन्टअनलाइनले जनाएअनुसार आफ्नो गृहनगरको क्लब युनाईटेडबाट छात्रवृत्तिमा क्रिष्टल प्यालेस जान गुरुङ तयार भएका हुन् । १६ वर्षमुनिको खेलाडीका रूपमा युनाईटेडमा खेलिरहेका गुरुङ र क्रिष्टल प्यालेसबीच यससम्बन्धी सम्झौता पत्रमा हस्ताक्षरसमेत भइसकेको छ ।

उनलाई कति समयका लागि अनुबन्ध गर्ने भन्ने कुराको निक्र्यौल गर्नुअघि पाँच महिनासम्म परीक्षणकालमा राखिने अनलाइनले जनाएको छ । उनले आफूलाई मौका दिएकोमा गृहनगरको क्लब युनाईटेड क्लबका पदाधिकारी एवं प्रशिक्षकहरूलाई धन्यबाद दिएका छन् ।