काठमाडौं, असार २३ ।
नायिका आना शर्मा र नायक आरिशमान देशराजद्वारा अभिनित चलचित्र ‘ग्याङस्टार ब्लुच’को ट्रेलर सार्वजनिक भएको छ । आना शर्मा र आरिशमान देशराजको प्रेम कहानी रहेको सो फिल्ममा आरिशमान ग्याङस्टारको भूमिकामा देखिएका छन् ।

काटमार, मुक्कामुक्कि र गुण्डागर्दीका दृश्यहरू ट्रेलरमा देखिन्छन् । चलचित्रमा संयम पुरी, रोजिशा शाही, प्रमोद अग्रहरी, रामबाबु गुरुङ, अनुपमा शर्मा लगायतको मुख्य भूमिका छ । खासगरि चलचित्रले ग्याङस्टारको जिवन र प्रेमलाई व्यक्त गर्न खोजेको देखिन्छ ।

यसअघि ‘जेरी’ मा अनमोल के.सीसँग काम गरेकी आना शर्मा यो फिल्ममा भने आरिशमानसँग देखिएकी हुन् । ‘जेरी’मा गरेको कामबाट दर्शकहरूले आनालाई नोटिस गरेका थिए ।

हेम राज वि.सीको निर्देशनमा बनेको भएको फिल्मका निर्माता भने सरोज न्यौपाने हुन् ।