काठमाडौं, असार २५ ।
बलिउड अभिनेत्री जैकलिन फर्नाडिजकाअनुसार उनको नयाँ फिल्म रिलिज हुन लागेको ‘अ जेन्टलमैन’ का सह–कलाकार सिद्धार्थ मल्होत्रासँग काम गरेर राम्रो लागेको बताएकी छन् ।

सिद्धार्थ मल्होत्रा ऊर्जावान अभिनेता भएका कारण रोमान्टिक दृश्यहरू सुट गर्न सहजता भएको फर्नाडिजले भनेका छन् ।

फिल्म प्रोमोशनमा व्यस्त रहेका फिल्मि स्टारहरूले एक अन्तर्वार्ताका क्रममा जैकलिनलाई सोधिएको सिद्धार्थसँग काम गरिएको अनुभवको प्रश्नमा उत्तर दिँदै ‘फिल्ममा सिद्धार्थसँग रोमान्स गर्न धेरै सजिलो रहेको थियो । मलाई थाहा छ म सधैँ हाँसिरहने खुसी रहने मान्छे हुँ । तर, साँचो कुरा यो हो की हामी कलाकार सधैँजसो एक अर्कामा भएको ऊर्जासँग प्रभावित हुने गर्छौं । म राम्रो मान्छेहरूसँग मात्र संगत गर्छु ।’

सिद्धार्थले भने ‘मैले जैकलिनसँग काम गरेर धेरै मजा लिएको छु । उनी पनि धेरै ऊर्जावान व्यक्तित्व रहेको र धेरै काममा व्यस्त भएर पनि आफूलाई ऊर्जावान बनाई राख्न सफल भएकोमा मलाई उनीसँग जलन हुन्थ्यो ।’ अभिनेत्रीहरूले एक्सन फिल्म कमै गर्छन् तर, यस फिल्ममा जैकलिनले पूरै फिल्ममा एक्सन गरेका छन् । ती एक्सन दृश्यहरू धेरै नै उत्कृष्ट रहेको छ ।

त्यस्तै, जैकलिनको इच्छा उक्त फिल्ममा पूरा भएको बताएका छन् । एक्सनसँगै फिल्ममा पहिलो पटक असली बन्दुकका साथ सुट गरेका छन् ।
जैकलिन र सिद्धार्थद्वारा अभिनित फिल्म ‘अ जेन्टलमैन’ २५ अगष्टमा रिलिज हुने भएको छ ।