काठमाडौं, असार ३० ।
‘गंगनम स्टाइल’ लाई पछि पार्दै युट्युबमा आजभोलि एउटा गीतले तहल्का मच्चाएको छ ।

अहिलेसम्म २ अरब ९० करोडभन्दा बढी पटक हेरिएको ‘सी यु अगेन’ भिडियोमा गायक विज खलिफा र चार्ली पथको गीत रहेको छ ।

‘सी यु अगेन’ गीत सन् २०१५ मा रिलिज भएको थियो । यो गित ‘फास्ट एन्ड फ्युरिअस ७’ का लागि लेखिएको थियो । यो गीतले युट्युबमा मात्र नभएर बिलबोर्ड हट १०० मा पनि शीर्षस्थानमा पुगेको छ । यो गीत वर्षको उत्कृष्ट गीत, उत्कृष्ट पपरडुओ ग्रुप परफर्मेन्सका लागि पनि चुनिएको छ ।

‘गंगनम स्टाइल’ गीत २०१२ सालमा रिलिज भएको थियो । यो गीतलाई अहिलेसम्म २ अरब ८९ करोड भन्दा बढीले हेरेका छन् ।

यस अघि शीर्षस्थानमा रहेको गीत ‘गंगनम स्टाइल’ दोस्रो स्थानमा आएको छ भने जस्टिन बिबरको गीत ‘सरी’ २ अरब ६४ करोड भ्यूका साथ तेस्रो स्थानमा रहेको छ ।