काठमाडौं, श्रावण ४ ।
बङ्गलादेशका लागि नेपाली राजदूत प्रा.डा. चोपलाल भुसालले त्यहाँका राष्ट्रपति अब्दुल हमिद समक्ष मंगलबार ओहोदाको प्रमाण पत्र बुझाएका छन् ।

बङ्गलाबन्धु भवनमा एक समारोहबीच उनले ओहोदाको प्रमाण पत्र बुझाउनु भएको बङ्गलादेशस्थित नेपाली दूताबासले जनाएको छ । समारोहमा दुबै देशको राष्ट्रिय गान बजाइएको थियो ।

सोही अवसरमा राष्ट्रपतिसँगको भेटमा राजदूत भुसालले नेपाल–बङ्गलादेशबीचको द्विपक्षीय सम्बन्ध, व्यापार, पारबहनलगायत विषयमा छलफल गरेका थिए ।

भेटमा बङ्गलादेशका राष्ट्रपति हमिदले उपर्युक्त समयमा नेपाल भ्रमण गर्ने राजदूत भुसालसँग इच्छा व्यक्त गरेका थिए ।