काठमाडौं, श्रावण ४ ।
चर्चित लोक गायक बद्री पंगेनी पक्राउ परेका छन् । महानगरीय प्रहरी वृत्तको टोलीले मंगलबार राति करिब ८ बजेतिर पंगेनीसहित ११ जनालाई काठमाडौंको बाँसबारीमा लक्ष्मी गुरुङले सञ्चालन गर्दै आएको मिनि क्यासिनोका रूपमा सञ्चालन गर्दै आएको जुवाखालबाट दुई लाख नगद रुपैयाँसहित पक्राउ गरिएको हो ।

पक्राउ परेकाहरूलाई थप कारबाहीका लागि जिल्ला प्रशासन कार्यालयमा बुझाएको वृत्तका प्रमुख डीएसपी गोविन्द पन्थीले जानकारी दिए ।
पक्राउ परेका पंगेनीले स्थानिय तहको निर्वाचनका लागि ‘सहि पनि एमाले मैपनि एमाले’ भन्ने लोक गित गाएका थिए । तर पंगेनीले भने आफु पक्राउ परेको हल्ला गलत भएको जानकारी दिएका छन् ।

उनले भने प्रहरीले पक्राउ गरेको भन्ने हल्ला गलत भएको बताएका छन् ‘केही भाईहरू पक्राउ परेका हुन् तर त्यहाँ मेरो नाम पनि जोडिएछ, म पक्राउ परेको कुरा हल्ला मात्रै हो’ भने, ‘म राष्ट्रिय लोक तथा दोहोरी गीत प्रतिष्ठानको अध्यक्षका हैसियतले एउटा बैठकमा छु, पक्राउ परेको भए कसरी बैठकमा हुन्थेँ ?’

पंगेनी गायक भएका कारण प्रहरीले केही बताउन चाहेको छैन । स्रोतका अनुसार उनलाई प्रहरी हिरासतमा पनि छुट्टै राखिएको छ र उनी छुट्ने पक्रियामा छन् ।