काठमाडौं, फागुन १५ ।
आईसीसी विश्व क्रिकेट लिग च्याम्पियनशीपअन्तर्गत आज भएको पहिलो अभ्यास खेलमा नेपाली टोली भारतसँग ४७ रनले पराजित भएको छ ।

नेपाली टोलीले आज भारतको नोयोडाको राजवादा क्रिकेट टोलीसँग हार ब्यहोरेको हो । गौतम बुद्ध विश्वविद्यालयको मैदानमा पहिले ब्याटिङ गरेको राजवादाले निर्धारित ५० ओभरमा ७ विकेट गुमाएर दुई सय ८१ रन बनाएको हो । दुई सय ८२ रनको लक्ष्य पछ्याएको नेपाली टोली ४७ दशमलव १ ओभरमा दुई सय ३४ रनमा अलआउट भएका थिए ।

नेपालका ज्ञानेन्द्र मल्लले एक सय २५ बलमा एक सय चार र सागर पुनले ४४ बलमा २८ रन बनाएका थिए भने विनोद भण्डारीले २२ बलमा २० रन बनाएका थिए । खेलमा अन्य खेलाडीले रन लिने प्रयास गर्दा पनि सफल भने हुन सकेन ।