सनी लियोनी एक छोरीकी आमा बनिन्

काठमाडौं, श्रावण ६ ।
बलिउड अभिनेत्री सनी लियोनी एक छोरीकी आमा बनेकी छन् । सनीले हालै एक वर्ष ९ महिनाकी एक बच्चालाई धर्मपुत्री बनाएपछि उनी आमा बनेकी हुन् ।
भारतको महाराष्ट्रस्थित लातुरकी एक वर्ष ९ महिनाकी बालिकालाई एडप्ट गरेको एक अन्तर्वार्तामार्फत खुलासा गरेकी छन् । छोरीको नाम निशा कौर वेबर राखेको सनीले बताएकी छन् ।
हाल बलिउड सिनेमामा व्यस्त रहेकी सनी र उनका पति डेनियल वेबरले सबै कागजात र प्रक्रिया पु¥याएर बच्चालाई एडप्ट गरेको बताएका छन् । केहि दिन अगाडी मात्र बालिकालाई आफ्नो घरमा ल्याएको बताउँदै सनी लियोनीले यो निर्णयबाट आफु खुशी भएको बताइन् ।
उनका पति डेनियलका अनुसार ‘दुई वर्ष अघि हामी एक अनाथालय गएका थियौं, त्यो दिन हामीले एक बच्चा गोद लिन फाराम भरियो ।
उनीहरूले भनेका थियो पेपर वर्क र बाँकी कामका लागि समय लाग्छ ।’ अहिले आफुहरूको जीवनमा धेरै चिज भैरहेकोले बच्चा जन्माउन ९ महिना आफूहरुसँग नभएको बताए । केहि महिना अशि सनी लियोनीले आफुले बच्चा जन्माउने बारे सोचिरहेको बताएकी थिइन् ।
प्रतिक्रिया