काठमाडौं, श्रावण १७ ।
बलिउडका चर्चित नायक सलमान खान एउटा गम्भीर रोगको शिकार भएको खुलासा भएको छ । गएको इदमा रिलिज गरिएको ट्युबलाईट चलचित्रका नायक खानलाई डरलाग्दो रोग लागेको समाचार प्रकाशन भएको छ ।

खान न्यूरोलोजिकल रोगबाट ग्रसित भएको कुरा खुलेको हो । चलचित्र ट्युबलाईटको प्रचार प्रसारको क्रममा उनले आफूलाई ट्राइजेमिनल न्यूरालजिया नामक रोग रहेको बताएका थिए ।

ट्राइजेमिनल न्यूरालजियालाई डरलाग्दो रोगको रूपमा लिने गरिन्छ । यस रोगबाट ग्रसित मानिस आत्महत्या गर्ने विषयमा धेरै सोच्ने गर्छन् । नायक खानले प्रचार प्रसारकै क्रममा आफूलाई यहीँ रोगका कारण कैयौं पटक आत्महत्या गर्न सोच पलाएको बताए ।

ट्राइजेमिनल न्यूरालजिया यस्तो क्रोनिक पेन डिसअर्डर जसले सिधैँ ट्राइजेमिनल नर्भलाई प्रभावित गर्दछ । यसले गर्दा अचानक असहनीय पीडा र जलन हुने गर्दछ । यस्तो तीब्र पीडा र जलन केही सेकेण्डदेखि दुई मिनेटसम्म रहने गर्छ ।