धरान, श्रावण १८ ।
गायक एवं संगीतकार राइमन राईले आत्महत्या गरेका छन् । धरान उपनगरपालिका–११ सिर्जनाचोक निवासी अविवाहित ३८ वर्षीय राइमनले मंगलबार राति १ बजे झुण्डिएर आत्महत्या गरेको जनाएको छ ।

उनका भाग्यमा नै थिएन, भाइटीकामा भेट्न आउँदा, मेरो एउटा मुटु थियो चोरी लग्यो लगायत गीतहरू चर्चित रहेका छन् । उनी करिब डेढ दशकदेखि गीत गाउँदै र संगीत भर्दै आएका थिए । पछिल्लो समय उनी मानसिक रोगबाट पीडित रहेको जनाएको छ ।
राईको शव पोस्टमार्टमका लागि बीपी कोइराला स्वास्थ्य विज्ञान प्रतिष्ठानको मर्चरीहाउसमा राखिएको छ ।