काठमाडौं, फागुन १८ ।
इटालीयन कप फुटबल अन्तर्गत भएको सेमिफाइनल पहिलो लेगको खेलमा युभेन्टसले नापोलीलाई हराएको छ । युभेन्टसले नापोलीलाई ३ विरुद्ध १ गोलले हराएको हो भने खेलमा युभेन्टसलाई जिताउन पाउलो डिबालाले पेनाल्टीमार्फत दुई गोल गर्दा गोन्जालो हिगुवानले एक गोल थप गरेका हुन् ।

हारेको टोली नापोलीका लागि होजे कालेयोनले एक गोल फर्काए । जीतसँगै युभेन्टसले ईटालीयन कप फुटबलको फाइनल प्रवेशको संभावना बलियो बनाउँदा नापोलीको यात्रा कठिन बनेको भएको हो । इटालियन कप फुटबलको दोस्रो सेमीफाईनल खेलमा लाजियो र रोमाबिच प्रतिस्पर्धा हुनेछ ।