काठमाडौं, फागुन १८ ।
बलिउडका चर्चित जोडी मध्ये एक रणवीर सिंह र दीपिका पादुकोणलाई लिइन्छ । प्रायः जसो हरेक सार्वजनिक कार्यक्रममा सधैँ साथ देखिने यी जोडी हुन् तर, आजभोलि एक्लाएक्लै देखिने गरेका छन् ।

दीपिकाले अभिनय गरेको पहिलो हलिउड फिल्म ‘एक्स एक्स एक्स : रिटर्न अफ ज्याडर केज’ सन् २०१७ को हिट फिल्म भएपछि पादुकोणले ग्लोबल स्टेजमा आफ्नो छाप छोडेकी छन् । यसै फिल्मले गर्दा पछिल्ला केही दिनहरूमा यी दुई नायक नायिकाबीच दरार आएको शङ्का गरेको छ । किनभने, सो फिल्ममा दीपिकाको अभिनय र सफलताका बारेमा रणवीरले अहिलेसम्म केही पनि कमेन्ट गरेका छैनन् ।

एक कार्यक्रममा सहभागी भएकी नायिकालाई रणवीर सिंहसँगको सम्बन्ध बारेमा ब्रेकअपको कुरा के हो भन्दै सोधिएको प्रश्नमा दीपिकाले न हो भनिन् न हैन नै । ‘तपाईले जे सुन्न चाहनुहुन्छ म त्यही भन्छु’, दीपिकाले जवाफ दिइन् ।

दीपिकाको एक अन्तरवार्ताअनुसार आफू विन डिजलको बच्चाको आमा बन्न चाहेको अभिव्यक्तिसमेत दिएकी थिइन् । यसबाट रणवीर रिसाएका छन् । त्यसो त डिजल फिल्म प्रमोशनका लागि भारत आउँदा दीपिका उनीसँग बढी नै नजिकिएको पनि रणवीरलाई मन परेको थिएन । हलिउडमा व्यस्त भएपछि आफ्नो साथीहरू र परिवारलाई समय दिन नसकेको भन्दै नायिकाले रोमान्सका लागि अहिले समय नभएको बताएकी थिइन् । यसबारेमा रणवीरले भने कुनै प्रतिक्रिया जनाएका छैनन् ।

केही समय अघि मात्र शाहिद कपुरको जन्मदिनको अवसरमा राखिएको पार्टीमा यी दुबै सहभागी भए पनि सँगै नदेखिएको भारतीय मिडियामा चर्चा छ ।