काठमाडौं, श्रावण २३ ।
बलिउड अभिनेता अामिर खान र उनकी श्रीमती किरण रावलाई स्वाइन फ्लु भएको भारतीय मिडियाले जनाएका छन् ।

स्वाइन फ्लू भएका खान दम्पतीको घरमा नै उपचार भइरहेको भारतीय सञ्चारमाध्यमले जनाएको छ । अामिर खानबाट उनकी श्रीमती किरणलाई स्वाइन फ्लू सरेको हो ।

आमिर खान आइतबार पुनामा हुने एनजिओको कार्यक्रममा भाग लिन जानुपर्ने थियो तर स्वाइन फ्लुका कारण उनीहरू कार्यक्रम स्थलमा पुग्न सकेनन् । आमिर खानको पारिवारिक श्रोतले जनाएअनुसार उनले पानी फाउन्डेशनको भिडियो कन्फ्रेन्सिङको क्रममा यसको पुष्टी गरेका हुन् ।

उनले कार्यक्रमलाई सम्बोधन गर्ने क्रममा रगतको जाँच गरेपछि आफूलाई स्वाइन फ्लु भएको थाहा पाएको बताएका छन् । उनले एक सातासम्म कुनै कार्यक्रममा भाग लिन नसक्ने जानकारी पनि दिएका छन् ।

श्रोतका अनुसार पानी फाउण्डेसनको कार्यक्रममा आमिर र उनकी श्रीमती किरण अनुपस्थित भएपनि अर्का कलाकार शाहरुख खान भने उपस्थित भएका थिए ।