काठमाडौं, फागुन १९ ।
बलिउड कलाकार आलिया भट्टलाई ज्यान मार्ने धम्की आएको छ । आलियाका पिता डाईरेक्टर महेश भट्टको फोनमा कल गरेर आलियालाई मार्ने धम्की दिएर ५० लाख भारु माग गरेका छन् ।

फोन गरेका कारण यो समस्याको खुलासा भएको हो । मुम्बई र यूपीको पुलिसले ज्यान मार्ने धम्की दिने व्यक्तिलाई उत्तर प्रदेशबाट पक्राउ गरिसकेका छन् । स्थानीय समाचार संस्थाले जनाएअनुसार एक व्यक्तिले आफू कुनै गिरोह समूहको लिडर बताएर महेश भट्टबाट ५० लाख भारु माग गरेको जनाएको छ ।

महेश भट्टले सुरुवातमा ख्याल–ख्यालमा लिएका थिए, तर पछि सोही व्यक्तिले महेशको व्हाट्स एपमा मेसेज गरी उसको सो धम्कीलाई हल्का रूपमा नलिन भनेका छन् । उसले धम्की दिएको थियो, यदि उसले पैसा नपाए मेहशको छोरी आलिया र श्रीमती सोनीलाई गोली चलाउनेसमेत चेतावनी दिएका छन् ।

आरोपीले महेशलाई लखनउ बैंकको ब्राञ्चमा पैसा जम्मा गर्नु भनेका थिए । घटना २६ फ्रेबुअरीमा भएको हो भने महेश भट्टले समयमा नै रिपोर्टसमेत दर्ता गराएका थिए । पुलिसलाई उनले ट्वीटरमार्फत धन्यबाद दिएका छन् । बुधबार राति पुलिसले एफआईआर दर्ता गरी भट्ट परिवारको बयान लिएको थियो । यो घटना मुम्बई पुलिसको एन्टी एक्सटोर्शन सेल (ANC) मा ट्रान्सफर गरिएको थियो ।