काठमाडौं, श्रावण ३२ ।
नेपाल चलचित्र पत्रकार संघले बुधबार बाढी प्रभावितबाट घाइते भएकाहरूको सहयोगका लागि रक्तदान कार्यक्रमको आयोजना गरेको छ ।

संघको संयोजनमा बुधबार अनामनगरमा भएको कार्यक्रममा करिब एक सय जनाले रगत रक्तदान गरेका थिए । खुला रूपमा गरिएको रक्तदान कार्यक्रममा पत्रकार, चलचित्रकर्मी, कलाकारलगायतको सहभागिता रहेको संघले जनाएको छ ।

संकलित रगत रेडक्रस सोटाइटीमार्फत सिधैं बाढी प्रभावित क्षेत्र, विशेष गरी सप्तरी जिल्लामा पठाइने जनाएको छ ।

अविरल बर्षापछि आएको बाढीले तराईका अधिकांश भू–भाग डुबानमा परेको छ । करिब एक सय २३ जनाको मृत्यु भएको छ भने लाखौँ प्रभावित भएका छन् । बाढी प्रभावितहरूमा विभिन्न खालका रोग संक्रमण देखा परेको छ ।