काठमाडौं, श्रावण ३२ ।
बलिउड अभिनेता सैफ अलि खान ४७ बर्ष लागेका छन् । गएराती उनले आफ्नो परिवार र नजिकका साथीहरू र आफन्तसँग उनले ४७ औं जन्मदिन धुमधामले मनाएका थिए ।

जन्मदिनको पार्टिमा उनको पहिली पत्नी अमृता सिंह आफ्ना दुई सन्तान सारा अली खान र इब्राहिम अली खानसँग पुगेका थिए भने उनीहरूले आफ्नी सौतेनी आमा करिना कपुरसँग विभिन्न पोजमा फोटो खिचाएका थिए ।

पार्टिमा सैफ अलि खानकी बहिनी सोहा अलि खान पनि उपस्थित थिइन् । गर्भवती उनी मिडियासँग जोगिएर हिड्न खोजेकी थिइन् भने, करिश्मा कपुर आफ्नो प्रेमी सँग पुगेकि थिइन् ।

करिना र सैफ अलिको तर्फबाट पहिलो सन्तान ‘तैमूर’ अलि खान भर्खर आठ महिनाका छन् ।

सैफ अलि खानका छोरी सारा निर्देशक अभिषेक कपुरको फिल्म ‘केदारनाथ’ बाट बलिउडमा डेब्यू गर्दैछिन् । बलिडमा उनको सुन्दरताको निकै चर्चा हुने गरेको छ ।