काठमाडौं, भाद्र ६ ।
बलिउड कलाकार चंकी पाण्डेकी छोरी अनन्या पाण्डे यतिबेला मिडियामा छाइरहेकी छन् । १८ वर्षमा टेक्दै गरेकी उनी अहिले बलिउड चलचित्रमा इन्ट्रि गर्ने कुराको चर्चा निक्कै बाक्लिँदै गएको छ । केही समय अगाडि मात्र सम्पन्न भएको Lakme Fashion Week मा आफ्ना साथीहरूसँग उनले आफ्नो प्रस्तुतीसमेत देखाई सकेकी छन् ।

अनन्याको सुन्दरतालाई लिएर बलिउडमा निकै चर्चा चलिरहेको छ । कालो पहिरन लगाएका तस्वीरहरू चंकी पाण्डेकी श्रीमती भावना पाण्डेले सोशल मिडिया इन्स्टाग्राममा सार्वजनिक गरेपछि तस्वीरहरू भाइरल भइरहेका छन् । उक्त तस्वीरमा लाईक र कमेन्टहरू धेरै आएका छन् ।

सबैले उक्त तस्वीरको प्रशंसा गरिरहेकै बेला फराह खान कुन्दरले छुट्टै अन्दाजमा कमेन्ट गरेका छन् । फराह खानले लेखेका छन् ‘कृपया डीएनए टेस्ट गराउनु’ चंकी पाण्डेकी छोरी अनन्या धेरै नै सुन्दर छिन् ।

फराह खानले मजाक अन्दाजले इन्स्टाग्राममा कमेन्ट गरेका थिए भने चंकी पाण्डेको परिवारसँग उनको धेरै राम्रो सम्बन्ध रहेको जनाएको छ । त्यसैले गर्दा फराहको कमेन्टले कसैको पनि चित्त दुखेको थिएन । पाण्डे परिवार र फराह खान धेरै जसो सार्वजनिक कार्यक्रममा सँगसँगै देखिने गरेका छन् ।

फराह खानको कमेन्टलाई लिएर पाण्डे परिवारले अहिलेसम्म केही जवाफ फर्काएका भने छैन ।