काठमाडौं, फागुन २२ ।
विश्व क्रिकेट लिग च्याम्पियनसिप अन्र्तरगत नेपालले केन्याविरुद्धको खेलका लागि पारस खड्काको कप्तानीमा १४ सदस्यीय नेपाली टोलीको घोषणा गरेको छ ।

विश्व क्रिकेट लिग च्याम्पियनसिपअन्तर्गत केन्यासँग नेपालले फागुन २८ गते र ३० गते घरेलु मैदानमा प्रतिस्पर्धा गर्दैछन् । यसअघि भारत प्रशिक्षणका लागि भ्रमणमा गएका १९ जना खेलाडी मध्येबाट अन्तिम १४ छानिएका हुन् । आइसिसिको प्रतिनिधि भेनकटपपति राजुको उपस्थितिमा भएको छनोटमा कप्तान पारस खड्का र प्रशिक्षक जगत टमाटाको उपस्थिति रहेको थियो । घोषणअनुसार अलराउण्डर मेहबुब अलमले राष्ट्रिय टोलीमा पुनरागमन गरेका छन् ।

पारस खड्काको कप्तानीमा रहेको टोलीमा उपकप्तान ज्ञानेन्द्र मल्ल, शरद भेषावकर, शक्ति गौचन, बसन्त रेग्मी, सोमपाल कामी, सागर पुन, भुवन, विनोद भण्डारी, करण केसी, सन्दिप लामिछाने, आरिफ शेख टोलीमा छन् ।

सुनिल धमला र दिपेन्द्र सिंह ऐरी नयाँ अनुहार छन् । राजेश पुलामी, अभिनाश कर्ण, भुवन कार्की र दिलप नाथ भने बैकल्पिकमा परेका छन् । भारत भ्रमणमा रहेका आशिफ शेख नेपाली क्रिकेट टोलीबाट बाहिरिएका छन् भने विश्व क्रिकेट लिग च्याम्पियनसिपमा हाल छैठौ स्थानमा रहेको नेपालका लागि केन्याविरूद्धको जीत निकाल्ने दाउमा रहेको छ । प्रतियोगिताका शीर्ष टोलीले सन् २०१८ मा बंगलादेशमा हुने विश्वकप छनोट खेल खेल्न पाउने जनाएका छन् ।