बलिउड निर्माता करण जोहर दुई सन्तानका पिता

प्रकाशित मिति: २२ फाल्गुन २०७३, आईतवार १४:४४


काठमाडौं, फागुन २२ ।
बलिउड चलचित्र निर्माता करण जौहर जुम्ल्याहा बच्चाका पिता बनेका छन् । उनी सरोगेट आमाको सहाराबाट एक छोरा र एक छोरीका पिता बनेका हुन् । छोराको नाम यश र छोरीको नाम रुही रहेको करणले ट्वीट गरेर जानकारी दिएका छन् ।

उनले ट्वीटमा लेखेका छन् –
मेरो जिन्दगीमा दुई नयाँ अतिथिको रूपमा मेरा दुई सन्तान रुही र यश जोडिएको खबर सार्वजनिक गर्न पाउँदा निकै खुशी लागेको छ । मेडिकल साइन्सको सहयोगले म पिता हुन पाएकोमा धेरै खुशी र भाग्यमानी थानेको छु । पिता बन्ने सबै जिम्मेवारी बुझेपछि मात्रै म यो इमोशनल फैसला लिन सकेको थिएँ । यो फैसलाका लागि मैले आफूलाई मानसिक, शारीरिक तथा संवेदनात्मक रूपमा तयार पारेको छु । अब मेरो जिन्दगीमा मेरा बच्चा मेरो काम, यात्रा र सामाजिक प्रतिबद्धता भन्दा महत्वपूर्ण रहने छन् ।

ईश्वरको कृपाले मसँग आमा छ, जसले मलाई हरेक काममा साथ दिएका छन् । मेरो आमा पनि नातिनातिनाको मुख हेर्न पाएकोमा धेरै खुशी हुनुहुन्छ । यसका लागि सरोगेट मदरलाई धन्यवाद । सरोगेट मदर र मेडिकल साइन्सका कारण मेरो सपना पूरा भएको छ ।

करण जोहर अविवाहित छन् । यसअघि तुषार कपुर पनि विवाह बिना नै सरोगेट मदरको सहायताले पिता बनेका थिए । शाहरुख खानका छोरा अबराम पनि सरोगेसीबाटै जन्मिएका हुन् भने अमिर खानका छोरा पनि सरोगेसीबाटै जन्मिएका थिए । करण जोहरले आफ्नो किताबमा पिता बन्ने इच्छा व्यक्त गरे जस्तै आज आएर त्यो इच्छा पुरा गरेको छ ।


प्रतिक्रिया

ताजा खबर

More

रास्वपाका सभापति लामिछाने घरबाटै पक्राउ, भद्रकाली हिरासतमा बास

काठमाडाैं, चैत १७ । राष्ट्रिय स्वतन्त्र पार्टी (रास्वपा) का सभापति रवि लामिछानेलाई.....

आइतबार देशभर सार्वजनिक बिदा दिने निर्णय

काठमाडौं, चैत २२ । सरकारले आइतबार.....