काठमाडौं, भाद्र ११ ।
नेपाल आइडलको ‘फिनाले’ कतारको एसियन क्रिकेट टाउनमा आउँदो असोज ६ गते हुने भएको छ । अनेस्क वान इन्टरनेशनल क्यानडा र एभरेस्ट युथ एसोसिएसन कतारको संयुक्त आयोजनामा कार्यक्रम हुने भएको छ ।

दोहामा आज पत्रकार सम्मेलन गरी कार्यक्रमका लागि तयारी चलिरहेको एभरेष्ट युथ एशोसिएसनका अध्यक्ष उत्तम गुरुङले जानकारी दिएका छन् । कार्यक्रममा वरिष्ठ संगीतकार शक्ति बल्लभको प्रमुख आतिथ्यता रहने छ ।

यस्तै आइडलका उत्कृष्ट १२ प्रतिस्पर्धीका साथमा कलाकारहरू केदार घिमिरे (माग्ने बुढा), सन्दिप क्षेत्री, तेरिया फौजा मगरको प्रस्तुति रहनेछ ।