सञ्चारकर्मी ढुंगानाको शब्द रहेको म्यूजिक भिडियो युट्युवमार्फत सार्वजनिक

प्रकाशित मिति: १२ भाद्र २०७४, सोमबार १२:३८


काठमाडौं, भाद्र १२ ।
सञ्चारकर्मी गोपीकृष्ण ढुंगानाको शब्द रहेको गजलको म्यूजिक भिडियो युट्युवमार्फत सार्वजनिक भएको छ । ‘तिम्रा लागि यो ठाउँ छोडी, सरी जान तयार छु म, यदि तिमी भन्छ्यौ भने मरी जान तयार छु म..’ बोलको म्युजिक भिडियोमा संगीतकार अर्जुन पोखरेलको संगीत र भुवन रावत ‘क्षितिज’ को स्वरमा रेकर्ड भएको हो ।

गायक रावतको लगानीमा रेकर्ड भएको गीत ‘द डिभाइन म्यूजिक’ ले म्यूजिक भिडियो तयार पारिएको हो भने संगीतकार पोखरेल स्वयम्ले एरेन्ज गरेका हुन् ।

बिभोर पोखरेलको निर्देशनमा बनेको झन्डै चार मिनेटको म्युजिक भिडियोमा बलराम बुढाथोकीको छायांकन रहेको भिडियोमा कलर भने सतिज श्रेष्ठको छ ।

नेपालमै सुटिङ गरिएको म्यूजिक भिडियोमा सम्पदा बाँनिया र प्रमोद भारद्धजको अभिनय रहेको छ ।

उक्त म्युजिक भिडियोबारे जानकारी दिँदै गजलकार ढुंगानाले भने, ‘स्वार्थी प्रेमीकाका लागि एउटा उदार प्रेमीले कस्तोसम्म त्याग गर्न सक्छ भन्ने भाव गजलमा उल्लेख गरिएको छ ।’

शक्ति बल्लभ, रत्नबहादुर, हरि लम्साल, विजय खालिङको संगीतमा एक दर्जन गीत रेकर्ड गराइसकेका ढुंगानाको म्युजिक भिडियो भने यो दोस्रो हो । यसअघि अञ्जु पन्त, दिपक लिम्बु, मिलन अमात्य, तेज आलेलगायतले स्वर दिइसकेका छन् ।

https://www.youtube.com/watch?v=OBtj6dyn3fA


प्रतिक्रिया

ताजा खबर

More

रास्वपाका सभापति लामिछाने घरबाटै पक्राउ, भद्रकाली हिरासतमा बास

काठमाडाैं, चैत १७ । राष्ट्रिय स्वतन्त्र पार्टी (रास्वपा) का सभापति रवि लामिछानेलाई.....

आइतबार देशभर सार्वजनिक बिदा दिने निर्णय

काठमाडौं, चैत २२ । सरकारले आइतबार.....