काठमाडौं, फागुन २४ ।
भारतले अष्ट्रेलियाबिरुद्धको दोस्रो टेष्ट म्याचमा रोमाञ्चक जित हात पारेको छ । अष्ट्रेलियालाई एक दिन अगाडि नै एक सय १२ रनमै अलआउट गर्दै ७५ रनको जित निकालेको हो । यस सँगै चार टेष्टको शृङखला एक÷एक को बराबरीमा पुगेको छ ।

भारतले अष्ट्रेलियालाई पराजित गर्न एक सय ८८ रनको प्रस्तुति लक्ष्य पछ्याउदै अस्ट्रेलियाको ब्याटिङ क्रम ध्वस्त बनाउने क्रममा रविचन्द्र अश्विनले बलिङ गर्दै ६ विकेट लिए । त्यस्तै उमेश यादवले २ विकेट लिएका थिए । अस्ट्रेलियाका लागि कप्तान स्टिभ स्मिथले सर्वाधिक २८ तथा पिटर ह्याण्डसकम्बले २४ रन बनाए । यसअघि, भारतले दोस्रो इनिङमा राम्रो ब्याटिङ प्रदर्शन गर्दै दुई सय ७४ रन बनायो । पहिलो इनिङमा भारत मात्र एक सय ८९ रनमा सिमित रहेको थियो ।

चौँथो दिनको खेल भारतले ४ विकेटको क्षतिमा दुई सय १४ रनको स्थितिबाट सुरुवात गरेको थियो । चेतेश्वर पुजारा ७९ रन बनाएर नटआउट रहेका छन् भने अजिंका रहाने ४० रन बनाएर खेलिरहेका थिए । तर, नयाँ बल लिएपछि अस्ट्रेलियाका लागि जस हेजलवुड र स्टार्कले घातक बलिङ गरेपछि भारतले ९ बलको अन्तरालमा रहाने, करुन नायर, पुजारा र रविचन्द्र अश्विनलाई गुमाएको थियो । पुजाराले सर्वाधिक ९२ रनको योगदान दिएका थिए भने रहानले ५२ रन बनाए । हेजलवुडले ६ तथा स्टार्क र स्टिभ ओकिफले २–२ विकेट लिएका थिए । अस्ट्रेलियाले पहिलो पारीमा दुई सय ७६ रन बनाएको थियो । अर्को टेस्ट राँचीमा मार्च १६ मा सुरु हुनेछ ।