रियल मड्रिडले अन्तिम ८ मा स्थान पक्का गरी क्वाटरफाइनलमा प्रवेश

प्रकाशित मिति: २५ फाल्गुन २०७३, बुधबार ११:०४


काठमाडौं, फागुन २५ ।
रियल मड्रिड च्याम्पियन्स लिग फुटबलको क्वाटरफाइनलमा प्रवेश गरेको छ । अन्तिम १६ मा दोस्रो लेगअन्तर्गत मंगलबार राति भएको खेलमा राम्रो खेल्दै रियल मड्रिडले अन्तिम ८ मा स्थान पक्का गरेको हो ।

स्पेनिस ला लिगा क्लब रियल मड्रिडले इटालियन सिरी ए क्लब नापोलीलाई ३ विरुद्ध १ गोलले हराउँदै समग्रमा ६ विरुद्ध २ गोलको जितसहित क्वाटरफाइनलमा स्थान बनाएको हो । नापोलीको मैदानमा खेलेको खेलमा रियलका लागि कप्तान सर्जियो रामोस र अल्भारो मोराटाले गोल गरे ।

२४ औं मिनेटमा मर्टेन्सले नै नापोलीका लागि गोल गरेका थिए भने खेलमा अग्रता नापोलीले लिएको थियो । पहिलो हाफमा १ विरुद्ध शून्य गोलले पछि रहेको रियल दोस्रो हाफमा खेलमा फर्किएको थियो । ५१ औं मिनेटमा रामोसले रियलका लागि बराबरी गोल फर्काए भने त्यसको ६ मिनेटपछि नापोलीका मर्टेन्सले आत्मघाती गोल गर्दै रियललाई २ विरुद्ध १ गोलको अग्रता दिलाए ।

इन्जुरी समयमा क्रिष्टियानो रोनाल्डोको पासमा मोराटाले गोल गरेर रियललाई ३ विरुद्ध १ गोलको जित दिलाएका थिए । पहिलो लेगमा पनि रियल ३ विरुद्ध १ गोलले नै विजयी भएको थियो । पहिलो लेगमा जस्तै दोस्रो लेगमा पनि क्रिष्टियानो रोनाल्डोले गोल गर्न नसकेपनि गोलका लागि अवसर भने सिर्जना गरे । उनी च्याम्पियन्स लिगमा लगातार छैटौं खेलमा गोल बिहिन बनेका छन् ।


प्रतिक्रिया

ताजा खबर

More

रास्वपाका सभापति लामिछाने घरबाटै पक्राउ, भद्रकाली हिरासतमा बास

काठमाडाैं, चैत १७ । राष्ट्रिय स्वतन्त्र पार्टी (रास्वपा) का सभापति रवि लामिछानेलाई.....

आइतबार देशभर सार्वजनिक बिदा दिने निर्णय

काठमाडौं, चैत २२ । सरकारले आइतबार.....