पिएसजीलाई पराजित गर्दै बार्सिलोना क्वाटरफाइनलमा

प्रकाशित मिति: २६ फाल्गुन २०७३, बिहीबार १४:५८


काठमाडौं, फागुन २६ ।
स्पेनिस क्लब बार्सिलोना अप्रत्यासित नतिजा निकाल्दै च्याम्पियन्स लिग फुटबलको क्वाटरफाइनलमा प्रवेश गरेको छ । बुधबार राति घरेलु मैदानमा भएको खेलको दोस्रो लेगमा फ्रेन्च लिग क्लब पेरिस सेन्ट जर्मेन (पिएसजी) लाई ६ विरुद्ध १ गोलले पराजित गर्दै समग्रमा ६ विरुद्ध ५ गोलको जित निकाल्दै बार्सिलोनाले क्वाटरफाइनलमा आफ्नो स्थान पक्का गरेको हो ।

पिएसजीको घरेलु मैदानमा सुरु भएको पहिलो लेगमा बार्सिलोना पिएसजीसँग ४ विरुद्ध शून्य गोलले हारेको थियो । तर, बार्सिलोनाले घरेलु मैदानमा भएको दोस्रो लेगमा उत्कृष्ट खेल खेलेका बार्सिलोनाले च्याम्पियन्स लिगको अन्तिम ८ मा स्थान बनायो ।

दोस्रो लेगमा पुनरागमन गरेको बार्सिलोनाले च्याम्पियन्स लिग फुटबलमा इतिहासमासमेत नाम लेखाउन सफल भयो । बार्सिलोनाले अन्तिम १६ को पहिलो लेगमा ४ विरुद्ध शून्य गोलको फराकिलो हार बेहोरे तापनि दोस्रो लेगमा पुनरागमन गर्दै अन्तिम ८ मा स्थान बनाउन सफल भएका थिए ।

घरेलु मैदान क्याम्प नाउमा भएको खेलमा बार्सिलोनालाई शानदार जित दिलाउन नेइमारले दुई तथा लियोनल मेस्सी, लुइस स्वारेज र सर्गी रोबर्टोले गोल गरे । पिएसजीका लेविन कुर्जावाले आत्मघाती गोल गरे ।

पिएसजीका लागि एडिसन काभानीले एक गोल फर्काएपनि टोलीको हार टार्न सकेनन् । पाहुना टोलीमाथि हावी भएको बार्सिलोनाले खेलको ३ मिनेटमा नै स्वारेजको गोलबाट सुरुवाती अग्रता लिएको थियो भने ४० औं मिनेटमा पीएसजीका कुर्जावाले गरेको आत्मघाती गोल गरेपछि बार्सिलोनाले पहिलो हाफमा २ विरुद्ध शून्यको अग्रता बनाएको थियो ।

दोस्रो हाफमा पनि बार्सिलोनाको गोल क्रम रोकिएन । खेलको ५० औं मिनेटमा पाएको पेनाल्टीको अवसरलाई सदुपयोग गर्दै मेस्सीले बार्सिलोनाको लागि तेस्रो गोल गरेको थियो । ६२ औं मिनेटमा काभानीले पिएसजीका लागि एक गोल फर्काए । तर, खेलको ८८ औं र ९१ औं मिनेटमा गरी नेइमारले दुई गोल गर्दै बार्सिलोनाको अग्रता ५ विरुद्ध १ गोलमा पु¥याएको थियो ।

त्यसपछि खेलको इन्जुरी समयको अन्तिम सयममा सर्गीले गोल गर्दै बार्सिलोनालाई ६ विरुद्ध १ गोलको जित निकाली बार्सिलोनाले पिएसजीमाथी पहिलो लेगमा भएको खराब हारको बदला लिँदै ६ विरुद्ध ५ गोलको जितसहित च्याम्पियन्स लिगको क्वाटरफाइनलमा स्थान पक्का बनाउन सफल भएको हो ।
च्याम्पियन्स लिगको इतिहासमा यसअघि पहिलो लेगमा व्यहोरेको ४ विरुद्ध शून्य गोलको हार व्यहोरेको कुनै पनि टिम दोस्रो लेगमा पुनरागमन गर्दै अघिल्लो चरण पुगेको थिएन ।


प्रतिक्रिया

ताजा खबर

More

रास्वपाका सभापति लामिछाने घरबाटै पक्राउ, भद्रकाली हिरासतमा बास

काठमाडाैं, चैत १७ । राष्ट्रिय स्वतन्त्र पार्टी (रास्वपा) का सभापति रवि लामिछानेलाई.....

आइतबार देशभर सार्वजनिक बिदा दिने निर्णय

काठमाडौं, चैत २२ । सरकारले आइतबार.....