काठमाडौं, फागुन २७ ।
इङ्लिस क्लब म्यानचेस्टर युनाइटेड युरोपा लिगअन्तर्गत अन्तिम १६ को पहिलो लेगको ‘अवे’ खेलमा रुसी क्लब रुस्तोभसँग अग्रता लिनबाट चुकेको छ । खेल खेलेको पहिलो हाफमै म्यानचेस्टरले रुसी क्लबलाई उसैको मैदानमा गोल गरेको थियो ।

तर, दोस्रो हाफमा गोलको अग्रता कायम राख्न नसक्दा जोसे माउरिन्होको नेतृत्वमा रहेको म्यानचेस्टरले ‘अवे’ खेलमा गोल गर्नबाट चुक्यो ।
म्यानचेस्टरले पहिलो हाफको ३५ मिनेटमा आर्मेनियाका स्ट्राइकर हेनरिख माखिटारयानको गोलमा अग्रता लिएको थियो भने स्विडिस स्ट्राइकर जाल्टन इब्राहिमोभिकको डिबक्सको ‘टच लाइन’ बाट निकालेको पासलाई माखिटारयानले गोलमा परिणत गरेका थिए ।

युरोपा लिगमा उनको यो तेस्रो गोल थियो । तर, त्यो अग्रता धेरै बेरे कायम रहेन् । एक गोलले पछि परेको रुसी क्लबले १८ मिनेटमा गोल ग¥यो । टिमोफी कालाचेभको पासमा स्ट्राइकर एलेक्जेन्डर बुखारोभले ५३ मिनेटमा बराबरी गोल गरेका थिए ।

दोस्रो हाफमा इब्राहिमोभिकको एउटा प्रहार गोल पोस्टमा लागेर फर्किएको थियो । म्यानचेस्टरले दोस्रो लेगको खेल आफ्नो घरेलु मैदान ओल्ड ट्राफोर्डमा आउँदो बिहीबार खेल्ने भएको छ ।